萬千星輝賀台慶丨順嫂陳積驚喜現身勾起集體回憶 顏國樑聲沙爆鱗狀細胞癌正做化療

《萬千星輝賀台慶》今年大玩集體回憶，其中《唱遊SITCOM元宇宙》大玩歷年來的經典處境劇，率先登場的竟然是《香港81'》系列的「康仔」李成昌、「順嫂」梁葆貞和「陳積」顏國樑，三人之中，除了李成昌仍然活躍幕前之外，梁葆貞已經移民多年，而顏國樑亦轉行教太極，甚少公開露面，今次再次聚頭，勾起不少港人的集體回憶，特別是主題曲的輕快音樂響起時，甚為感動。

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

萬千星輝賀台慶丨何沛珈淡定轉數快曬口才贏歡心 再競選奪冠激動落淚還亡母心願【下一頁】

{{hket:inline-image name="ee1dd6a1-bb78-423f-8bf6-a5d1f5ba26ca.jpg"}}{{/hket:inline-image}}

「順嫂」梁葆貞出場，即時引起全場掌聲，在台上表示：「大家好，我係順嫂，其實順嫂係80年代一個處境劇角色，當年我聽人講：『乜你咁貪小便宜呀，成個順嫂咁！』又或者『琴晚個戲好易睇好易明，順嫂都識睇！』喺佢哋眼中，順嫂冇咩文化，有少少貪便宜同八卦嘅師奶！當年80年代好多家庭都有順嫂呢款阿媽，盡心盡力、死慳死抵都係為儲錢畀仔女讀大學，而家香港咁繁榮，呢班順嫂阿媽功不可沒！大家畀啲掌聲順嫂好嗎？」她笑言「順嫂」這個名字陪伴她足足41年。

至於「陳積」顏國樑未知是否身體不適，聲線明顯沙啞，他表示：「我做戲做到姓氏都改埋變陳，角色入面好鍾意搵錢，令我本人可以脫貧，搵到第一桶金！由於當年太紅，有人推薦我做傑出青年！」

萬千星輝賀台慶丨馬國明湯洛雯甜爆孖住行紅地氈 陳自瑤性感不及「湯碗胸」李芷晴【下一頁】

梁葆貞表示《餐餐有宋家》後就沒有再返TVB，已經十幾年時間，「今次我係提早返香港，平時夏天唔返香港，因為香港太熱，屋企有大喜事娶孫新抱辦喜事，我係最高掌門人。其實我開頭都唔想（返來），因為幾十歲唔想個老樣畀大家見到，離開TVB就70歲，而家都85歲，精神不錯！我冇乜戲癮，不過記性越來越差，可能老人癡呆初期，所以頭先段戲我好驚，好怕記唔到對白，我又冇做過直播，幸好頭先都過關。」

顏國樑2008年離開至今已經十幾年，問到是否專心教太極，他透露出自己身體的問題，「近排身體唔好，唔覺意有個病，喺我聲帶出現腫瘤叫鱗狀癌，做化療同免疫治療，由於低音聲帶被腫瘤壓住，所以而家得尖音同中音。上星期覆診，腫瘤科話幾好，穩陣起見要做多兩次化療。精神方面不錯，只係把聲尖同埋頭髮釋疏咗。」他表示原本發現聲沙，但中醫和西醫食藥一個月都沒有進展，才發現是癌症，但他會豁達面對一切。

另外，台慶趣劇原本以為是整蠱林盛斌（Bob）的搞笑趣劇，不過原來趣劇後才是重頭戲。林淑敏、朱敏瀚、焦浩軒及高海寧分別向韓馬利、安德尊及胡楓致敬，他們的信中內容大派洋蔥，感動不少觀眾，特別是安德尊難得感性流下感動的男兒淚，搞喊埋台下觀眾席的總經理曾志偉。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃曉妍
責任編輯：楊安莉